Արամուսի Վ.Առաքելյանի անվան միջնակարգ դպրոց

Մեր Չարենցը

Դեկտեմբերի 13th, 2017

Մեր Չարենցը

Արամուսի միջն.դպրոցում գրական — երաժշտական միջոցառում էր, որը կազմակերպել էր <<Լեզուներ>> մասնախումբը        (ղեկ.՝ Լ.Ստեփանյան) ուսուցչուհիներ Անուշ Ոսկանյանի և Լաուրա Նիկողոսյանի ջանքերով:                                                              Բեմում Չարենցն էր՝ հսկայատեսիլ, հաղթական՝ դեպի դարերը գնացող իր կերպարանքով:                                                                 <<Ես իմ անուշ>>-ի  հնչյունների տակ պարում էին նազ աղջիկները, և երգն էր թևածում դահլիճում՝ ունկնդիրներին հասցնելով անուշահամ բառի, Հայաստան <<յարի>> քաղցրությունը:                                                                                                                  Կապուտաչյա հայրենիքի և կապույտ աղջկա տեսիլքով զմայլված՝ բոլորն ականջալուր էին աշակերտների բառ ու բանքին:  Տաղարանն էր հնչում՝ Սայաթ-Նովայի հանգով, և ջերմանում էին բոլորը այս ձմռան ցրտում, իսկ բեմում Եղիշե Չարենցն էր՝ <<Ֆայտոն նստած մե դուքանդարը>>:                                                                                                                                                                   Վերջապես ցնդեց միֆը. բեմում Չարենցի կերպարանքով աշակերտը , մահվան տեսիլի ուրվականից չվախենալով, գանգրահեր տղաներին մաղթում էր լուսե գալիքի պատգամը. <<Ով հա՛յ ժողովուրդ, քո միակ փրկությունը քո հավաքական ուժի մեջ է>>:

 

Արամուսի Վ.Առաքելյանի անվան միջնակարգ դպրոց